254
REGISTRES DU BUREAU
[1671]
quelz ilz auroient faict plusieurs requestes et re­monstrances, les ungs pour estre surtaxez et les aultres pour n'estre contribuables, comme ilz pre­tendoient, ausdictz fraiz et entrée. Sur quoy auroyt esté pourveu par mesd. sieurs, selon l'occurence des cas et matieres, et sur ce esté par eulx donnez plu­sieurs jugemens, qui sont enregistrez au Registre des causes ordinaires d'icelle Ville'1'. Toutesfois n'est cy à obmellre que l'on a exempté aulcun des des-susdictz ou d'assister èsd. entrées en personne, ou de contribuer ausd, fraiz, comme y estans tous tenuz et obligez par debvoir. Et si aucuns se trouvoient estre du nombre des archers, harquebuziers et arba­lestriers d'icelle Ville, ou bedeaux de l'Université de Paris, ilz estoient tenuz y assister en personnes avecq leurs cappitaines desd, nombres, ou Recteur, et partant deschargez de contribuer ausd, fraiz, à l'occasion de leursdictz mestiers ou offices de Ville, et non aultres.
[20. — Invitation aux gardes de la marchandise.] 21 octobre 1570. (A, fol. io3 r°; B, fol. 248 v°.)
Le vingt ungniesme jour desd, mois et an, au­roient esté aussy mandez et sont venuz audict Bu­reau les gardes des marchandises et estatz de la drapperye, espicerie, mercerie, pelleterie el bonne--terie, et orfaverie, lesquelz auroient esté sembla­blement admonestez de eulx fournir de robbes de velours, des coulleurs cy après declarez, pour porter par eulx, chacun en son rancet ordre, le ciel dessus Leurs Majestez èsd. entrées. Ce qu'ilz ont promis faire.
[21. — Convocation pour élire les officiers des Enfants de Paris.]
24-25 octobre 1570. (A, fol. io3 r°; B, fol. 249 r°.)
Le vingt quatreiesme dud. mois d'Octobre ou dict
an, ont esté expédiez et envoyez mandement aux seize Quarteniers de ladicte Ville, contenant ceste forme :
k #e par les Prevost des Marchans et Eschevins de la ville de Paris.
"Sire Nicolas Paulmier, Quartenier de lad. Ville, appellez les notables enffans de vostre quartier''2', qui ont promis ou ont esté appellez devant nous, pour l'entrée du Roy, et vous trouvez tous demain, deux heures de rellevée, en la grand salle de l'Hos­tel d'icelle Ville, pour eslire ung cappitaine, lieute­nant, guidon et enseigne, et adviser à ce qui est necessaire pour cest effect, sans à ce faire faulte, sur la peine contenue au mandement du Roy, qui sera sur eulx levée sans deport.
"Faict au Bureau de la Ville, ledict vingt qua­treiesme jour d'Octobre cinq cens soixante et unze(3). n
Pareilz mandemens ont esté expédiez aux aultres Quarteniers de lad. Ville.
Suyvant les mandemens cy dessus, seroient venuz le lendemain en l'Hostel d'icelle Ville, à ladicte heure, bon nombre desd, notables bourgeois d'icelle Ville; desquelz mesd. sieurs auroient prins les voix et elec­tion pour le faict desd, cappitaine, lieutenant, gui­don ct enseigne, de chacun particullierement. Et pour le regard des absens, dict qu'il en seroict or­donné ('i).
[22. — Mesures de police pour les travaux du Pont Notre-Dame.]
25 octobre 1570. (A, fol. io3 v°; B, fol. 2lig r°.)
Et s'estans retirez, me Charles Le Conte, maistre des œuvres de charpenterie de la Ville, a remonstré que, pour satisfaire au marché par luy faict avecq icelle Ville, il luy convenoit dresser les arcs trium-phans, théâtres, eschauffaulx et aultres choses ne-
W Dans le Registre d'audiences Z 6831 se trouvent en effet quelques jugements de cette nature des mois d'octobre-décembre 1570 ; mais ils sont d'une lecture extrêmement difficile.
(-) Voir ci-dessus, page 234 et note 1, les actes relatifs à la formation de la cavalcade composée des fils des plus notables bourgeois et marchands de Paris.
(-) Ste dans A et R. Corrigez : "cinq cent soixante et dix.v
(4> Il n'est plus question ailleurs dans nos Registres des absents. Cependant leur nombre, qui fut considérable, émut la cour au point que l'on prescrivit des mesures de rigueur. Deux jours après l'entrée de Charles IX, le 8 mars, furent expédiées des lettres pa­tentes adressées aux Prévôt des Marchands et Echevins, leur enjoignant de procéder contre les réfractaires en les condamnant à l'amende ou cn les privant de leur droit de bourgeoisie et autres privilèges. «Nostre amé et feal le Procureur de nous et de nostredicte Ville, lit-on dans ces lettres curieuses, nous a faict entendre comme, pour nous recevoir aveques toute joye et allégresse en nostredicte Ville, vous avez envoiez plusieurs mandemens tant aux enffans des plus aisés marchans de lad. Ville que aux jurez des mestiers et autres personnes qui ont acoustumé de vous acompaigner avec les corps de nostredicte Ville, et sont tenuz eulx trouver en telles solennités,